2 Chronicles 24:25 — Compare Translations

Kikuyu (Kĩrĩkanĩro Gĩa Gĩkũyũ)

Nayo mbũtũ ĩyo ya ita ĩkĩhũndũka na ĩgĩtiga ĩtiihangĩĩtie Joashu mũno. Thuutha wa kũmũtiga ahaana ũguo, ndungata ciake ikĩgĩa ndundu ya kũmwĩka ũũru nĩguo ciĩrĩhĩrie kũũragwo kwa mũrũ wa Jehoiada mũthĩnjĩri Ngai. Nao makĩmũũragĩra ũrĩrĩinĩ wake, magĩcooka makĩmũthika kũu itũũra rĩa Daudi. Nao matiigana kũmũthika mbĩĩrĩrainĩ cia athamaki.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Rĩrĩa Asuriata meeherire-rĩ, magĩtiga Joashu agurarĩtio mũno. Anene ake makĩgĩa ndundu mamũũkĩrĩre nĩ ũndũ wa kũũraga mũriũ wa Jehoiada ũrĩa mũthĩnjĩri-Ngai, nao makĩmũũragĩra gĩtanda-inĩ gĩake. Nĩ ũndũ ũcio agĩkua na agĩthikwo Itũũra-inĩ Inene rĩa Daudi, no ndaathikirwo mbĩrĩra-inĩ cia athamaki.

Kikuyu Bible (IBUKU RĨRĨA ITHERU RĨA NGAI)

Na rĩrĩa mbũtũ ĩo yacokire kũinũka ĩkĩmweherera, (nĩ ũndũ nĩyamũtigire e mũrũaru mĩrimũ mĩnene mũno-rĩ,) ndungata ciake we mwene ikĩgĩa ndundu ya kũmũũkĩrĩra nĩ ũndũ wa thakame ya mũrũ wa Jehoiada, mũthĩnjĩri-Ngai, igĩkĩmũũragĩra o kũu ũrĩrĩ-inĩ wake, nake agĩkua; nacio ikĩmũthika o kũu itũũra rĩa Daudi, no itiamũthikire mbĩrĩra-inĩ cia athamaki.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Nayo mbũtũ ĩyo ya ita ĩkĩhũndũka na ĩgĩtiga ĩtiihangĩĩtie Joashu mũno. Thuutha wa kũmũtiga ahaana ũguo, ndungata ciake ikĩgĩa ndundu ya kũmwĩka ũũru nĩguo ciĩrĩhĩrie kũũragwo kwa mũrũ wa Jehoiada mũthĩnjĩri Ngai. Nao makĩmũũragĩra ũrĩrĩinĩ wake, magĩcooka makĩmũthika kũu itũũra rĩa Daudi. Nao matiigana kũmũthika mbĩĩrĩrainĩ cia athamaki.