2 Chronicles 28:15 — Compare Translations

Kikuyu (Kĩrĩkanĩro Gĩa Gĩkũyũ)

Nao anene arĩa ana, makĩoya andũ acio oothe maarĩ mĩgwate, nĩguo mamatuge. Magĩkĩmahumba nguo iria ciatahĩĩtwo, na makĩmahe iraatũ magĩĩkĩra. Magĩcooka makĩmahe irio, gĩa kũnyua, o na makĩmahaka maguta. Nao arĩa mataarĩ na hinya wa gwĩtwara na magũrũ makĩmakuua na ndigiri ciao. Arĩa oothe maarĩ mĩgwate makĩmacookia Jeriko, itũũra rĩa Mĩkĩndũ, kũrĩ aariũ a ithe wao. Thuutha ũcio anene acio magĩcooka Samaria.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nao andũ arĩa maarĩ agwete na marĩĩtwa makĩoya mĩgwate ĩyo, na arĩa maarĩ njaga makĩmahumba nguo kuuma indo-inĩ iria ciatahĩtwo. Makĩmahe nguo na iraatũ, na irio na kĩndũ gĩa kũnyua, na maguta ma kũhonania. Nao arĩa othe mataarĩ na hinya makĩhaicio ndigiri igũrũ. Nĩ ũndũ ũcio makĩmacookia kũrĩ andũ a bũrũri wao o kũu Jeriko, Itũũra Inene rĩa Mĩkĩndũ, nao magĩcooka Samaria.

Kikuyu Bible (IBUKU RĨRĨA ITHERU RĨA NGAI)

Nao andũ acio magwetetwo marĩĩtwa mao makĩarahũka makĩnyita andũ acio maagwatĩtwo mĩgwate, nao arĩa othe maarĩ njaga thĩinĩ wao makĩmahumba nguo iria ciatahĩtwo, makĩmekĩra mathaga o na makĩmekĩra iratũ, o na makĩmahe irio cia kũrĩa, o na gĩa kũnyua, na makĩmahaka maguta, o nao arĩa othe ahinyaru thĩinĩ wao makĩmahaicithia ndigiri igũrũ; magĩkĩmatwara Jeriko, itũũra rĩa mĩkĩndũ, kũrĩ ariũ a ithe wao; nao magĩcoka Samaria.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

(16-17) Na rĩĩrĩ, andũ a bũrũri wa Edomu makĩambĩrĩria gũtharĩkĩra Juda rĩngĩ na makĩnyiita andũ aingĩ mĩgwate. Tondũ ũcio mũthamaki Ahazu agĩtũmanĩra Tigilathu Pileseri mũthamaki wa Aasiria ooke amũteithĩrĩrie.