2 Chronicles 29:35 — Compare Translations

Kikuyu (Kĩrĩkanĩro Gĩa Gĩkũyũ)

Na rĩĩrĩ, hamwe na kũruta magongoona macio maingĩ ma njino, athĩnjĩri Ngai nĩ o meehokeirwo wĩra wa gũcina maguta marĩa maarutagwo kuuma nyamũ cia magongoona ma thaayũ. Ningĩ no o meehokeirwo wĩra wa kũminjaminja ndibei ĩrĩa yarutanagĩrio na magongoona ma njino. Ũguo nĩguo ũhoro wa gũthaathaiya MWATHANI Hekaarũinĩ warurumũkirio rĩngĩ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Na rĩrĩ, nĩ kwarĩ na maruta ma njino maingĩ mũno, hamwe na maguta ma maruta ma ũiguano, o na maruta ma indo cia kũnyuuo marĩa maarutanagĩrio na maruta ma njino. Nĩ ũndũ ũcio wĩra wa ũtungata wa hekarũ ya Jehova ũgĩcookio rĩngĩ.

Kikuyu Bible (IBUKU RĨRĨA ITHERU RĨA NGAI)

O na ningĩ indo cia mahaki ma njino ciarĩ nyingĩ mũno, ii hamwe na maguta ma magongona ma ũiguano, o na ma indo iria irutagwo cia kũnyuwo, o icio irutagwo ikoniĩ mahaki mothe ma njino, ihaki o ihaki. Ũguo nĩguo ũhoro wa gũtungatĩra Jehova nyũmba-inĩ yake wathondekekire wega.