2 Chronicles 31:19 — Compare Translations

Kikuyu (Kĩrĩkanĩro Gĩa Gĩkũyũ)

Naho ha ũhoro wa athĩnjĩri Ngai arĩa maatũũraga matũũrainĩ marĩa maagaĩrwo njiarwa cia Harũni, o na arĩa matũũraga ithakainĩ cia ũrĩithio wao, nĩgwathuuragwo athuuri arĩa maagayagĩra arũme oothe a mĩciĩ ya athĩnjĩri Ngai irio. Ningĩ no o maagayagĩra o na andũ a mbarĩ cia Alawii iria ciandĩkĩĩtwo mũtaratarainĩ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ha ũhoro wa athĩnjĩri-Ngai, o acio a rũciaro rwa Harũni, arĩa maatũũraga mĩgũnda-inĩ ĩrĩa yathiũrũrũkĩirie matũũra mao kana matũũra mangĩ, nĩ kwarĩ na andũ amwe maathuurĩtwo na makagwetwo marĩĩtwa a kũgaĩra arũme othe arĩa maarĩ gatagatĩ-inĩ kao rũgai rwao, na kũrĩ arĩa othe maandĩkĩtwo maandĩko-inĩ ma njiarwa cia Alawii.

Kikuyu Bible (IBUKU RĨRĨA ITHERU RĨA NGAI)

o na ningĩ ha ũhoro wa ariũ a Haruni arĩa athĩnjĩri-Ngai, arĩa maarĩ ithaka-inĩ ciao cia ũrĩithio cia matũũra-inĩ mao, itũũra o itũũra, nĩkwarĩ andũ amwe arĩa maagwetetwo marĩĩtwa mao a kũruta wĩra ũcio kĩũmbe, nĩguo magayagĩre arũme othe thĩinĩ wa athĩnjĩri-Ngai indo ciao, o na arĩa othe maatarirũo thĩinĩ wa Alawii o ta ũrĩa njiaro ciao ciatariĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naho ha ũhoro wa athĩnjĩri Ngai arĩa maatũũraga matũũrainĩ marĩa maagaĩrwo njiarwa cia Harũni, o na arĩa matũũraga ithakainĩ cia ũrĩithio wao, nĩgwathuuragwo athuuri arĩa maagayagĩra arũme oothe a mĩciĩ ya athĩnjĩri Ngai irio. Ningĩ no o maagayagĩra o na andũ a mbarĩ cia Alawii iria ciandĩkĩĩtwo mũtaratarainĩ.