2 Chronicles 35:22 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
No rĩĩrĩ, Josia nĩehaarĩirie kũrũa. Naake akĩrega gwathĩkĩra ciugo cia Ngai iria aarĩirio nĩ mũthamaki Neko. Kwoguo akĩĩgarũra nĩguo ndakaamenyeke, akiumagara akahũũrane na mũthamaki Neko gĩtuambainĩ kĩa Megido.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
No rĩrĩ, Josia ndaigana kũgarũrũka atigane nake, no nĩ kwĩgarũra egarũrire nĩguo ndakamenyeke nĩgeetha akarũe nake. Ndaigana gũthikĩrĩria ũrĩa Neko aathĩtwo nĩ Ngai oige, no nĩathiire kũrũa nake werũ-inĩ wa Megido.
Kikuyu Bible (IBUKU RĨRĨA ITHERU RĨA NGAI)
No rĩrĩ, Josia nĩaaregire kũmũhutatĩria ũthiũ amweherere, no nĩegarũrire ndakamenyeke nĩguo akahũrane nake, na ndaigana kũigua ũhoro wa Neko, ũcio waarĩtio nĩ Ngai; nake agĩgĩthiĩ kũhũranĩra mbaara nake gĩtuamba kĩa Megido.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
No rĩĩrĩ, Josia nĩehaarĩirie kũrũa. Naake akĩrega gwathĩkĩra ciugo cia Ngai iria aarĩirio nĩ mũthamaki Neko. Kwoguo akĩĩgarũra nĩguo ndakaamenyeke, akiumagara akahũũrane na mũthamaki Neko gĩtuambainĩ kĩa Megido.