2 Chronicles 8:14 — Compare Translations

Kikuyu (Kĩrĩkanĩro Gĩa Gĩkũyũ)

Ningĩ kũringana na ũrĩa ithe Daudi aatigire oiga gwĩkagwo, akĩbanga wĩra wa kũrutagwo ta ũũ: Athĩnjĩri Ngai matuanagĩre mawĩra maao o ta ũrĩa maatariĩ, nao Alawii mateithagĩrĩrie athĩnjĩri Ngai kũinaga nyĩmbo cia kũgooca MWATHANI. Ningĩ akĩiga arangĩri a mĩrango ya Hekaarũ o ta ũrĩa yaiganaga mamĩrangĩre na njĩra ya gũtuanĩra mũthenya o mũthenya o ta ũrĩa Daudi, mũndũ wa Ngai, aatigire aathana.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Kũrũmanĩrĩra na wathani ũrĩa watuĩtwo nĩ ithe Daudi, nĩamũrire ikundi cia athĩnjĩri-Ngai nĩ ũndũ wa mawĩra mao, o na Alawii nĩguo matongoragie hĩndĩ ya kũgooca na ningĩ mateithagĩrĩrie athĩnjĩri-Ngai kũringana na mabataro ma o mũthenya. Ningĩ nĩamũrire ikundi cia arangĩri a ihingo marangagĩre ihingo mwanya mwanya, tondũ ũguo nĩguo Daudi, mũndũ wa Ngai, aathanĩte.

Kikuyu Bible (IBUKU RĨRĨA ITHERU RĨA NGAI)

Nake aatuire atĩ athĩnjĩri-Ngai matuanagĩre mawĩra mao o ta ũrĩa maatariĩ, naho ha ũhoro wa Alawii agĩtua atĩ marutage mawĩra mao ma kũgatha Jehova, o na mamũtungatagĩre marĩ mbere ya athĩnjĩri-Ngai, o ta ũrĩa kwagĩrĩire gwĩkwo, mũthenya o mũthenya, gũgagĩĩkagwo o ta ũrĩa mũtugo watariĩ ũrĩa Daudi aatuĩte ũrũmagĩrĩrũo; nao andũ amwe magĩgĩtuwo aikaria mĩrango o ta ũrĩa matuanĩra mao maatariĩ o mũrango-inĩ; nĩ gũkorũo ũguo nĩguo Daudi, mũndũ wa Ngai, aathanĩte gwĩkagwo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Nao athĩnjĩri Ngai na Alawii magĩikara mamenyereire watho wa mũthamaki Daudi, ũrĩa wamakoniĩ o na wakoniĩ mĩthiithũ ya mũthamaki.