2 Kings 16:15 — Compare Translations

Kikuyu (Kĩrĩkanĩro Gĩa Gĩkũyũ)

Naake Ahazu agĩatha Uria akĩmwĩra atĩrĩ, “Magongoona moothe ma njino ma rũũciinĩ, o na magongoona ma irio cia mũgũnda ma hwaĩinĩ, na magongoona ma njino, na ma irio cia mũgũnda cia mũthamaki na ma andũ, o na magongoona ma ndibei ma andũ, macio moothe ũrĩmarutagĩra igũrũ wa kĩgongoona gĩĩkĩ. Ningĩ ũgaitagĩrĩria ho thakame yothe ya nyamũ iria ciothe irutĩĩtwo magongoona. Naho ha ũhoro wa kĩgongoona gĩa gĩcango, hau nĩ ho ndĩrĩtuĩragĩria ũhoro he Ngai.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Hĩndĩ ĩyo Mũthamaki Ahazu akĩhe Uria ũrĩa mũthĩnjĩri-Ngai mawatho maya: “Igũrũ rĩa kĩgongona kĩu kĩnene kĩerũ, rutagĩra ho iruta rĩa njino rĩa rũciinĩ, na iruta rĩa mũtu rĩa hwaĩ-inĩ, na iruta rĩa mũthamaki rĩa njino, na iruta rĩake rĩa mũtu, na iruta rĩa njino rĩa andũ othe a bũrũri, na iruta rĩao rĩa mũtu na iruta rĩao rĩa kũnyuuo. Na ũminjaminjagĩrie kĩgongona thakame yothe ya maruta ma njino na ya magongona. No kĩgongona gĩa gĩcango, ndĩrĩkĩhũthagĩra na gũtuĩria ũhoro kuuma kũrĩ Jehova.”

Kikuyu Bible (IBUKU RĨRĨA ITHERU RĨA NGAI)

Nake Ahazu, mũthamaki, agĩatha Urija ũcio mũthĩnjĩri-Ngai, akĩmwĩra atĩrĩ, Ihaki rĩa njino rĩa rũcinĩ-rĩ, nĩũkarĩcinagĩra igũrũ rĩa kĩgongora gĩkĩ kĩnene, hamwe na igongona rĩa mũtu rĩa hwaĩ-inĩ, o na ihaki rĩa njino rĩa mũthamaki hamwe na igongona rĩarĩo rĩa mũtu, o na ihaki rĩa njino rĩa andũ othe a bũrũri hamwe na igongona rĩarĩo rĩa mũtu, o na rĩa indo ciarĩo iria irutagwo cia kũnyuwo; o na ũminjaminjage thakame yothe ya ihaki rĩa njino igũrũ rĩakĩo, o na thakame yothe ya nyamũ iria ithĩnjagĩrũo ho cia igongona; na kĩgongona kĩu gĩa gĩcango-rĩ, gĩgũtuĩka gĩakwa nduĩragĩrie ũhoro he Ngai ho.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake Ahazu agĩatha Uria akĩmwĩra atĩrĩ, “Magongoona moothe ma njino ma rũũciinĩ, o na magongoona ma irio cia mũgũnda ma hwaĩinĩ, na magongoona ma njino, na ma irio cia mũgũnda cia mũthamaki na ma andũ, o na magongoona ma ndibei ma andũ, macio moothe ũrĩmarutagĩra igũrũ wa kĩgongoona gĩĩkĩ. Ningĩ ũgaitagĩrĩria ho thakame yothe ya nyamũ iria ciothe irutĩĩtwo magongoona. Naho ha ũhoro wa kĩgongoona gĩa gĩcango, hau nĩ ho ndĩrĩtuĩragĩria ũhoro he Ngai.”