2 Kings 17:9 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Nao Asiraeli magĩĩka maũndũ maingĩ marĩa MWATHANI Ngai wao ataakenagio nĩmo. Magĩgĩaka kũndũ gũtũũgĩru kũrĩa gwathaathayagĩrio matũũrainĩ maao moothe, kuuma gatũũra karĩa kaniini kinya itũũra rĩrĩa inene.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Nao andũ a Isiraeli magĩĩka maũndũ na hitho ma gũũkĩrĩra Jehova Ngai wao marĩa mataagĩrĩire. Kuuma mũthiringo-inĩ wa kũrangĩra nginya itũũra rĩrĩa rĩairigĩirwo rũthingo rwa hinya, makĩĩakĩra kũndũ kũrĩa gũtũũgĩru gwa kũrutĩra magongona matũũra-inĩ mao mothe.
Kikuyu Bible (IBUKU RĨRĨA ITHERU RĨA NGAI)
Nacio ciana cia Isiraeli igĩĩka Jehova Ngai wacio maũndũ materekereire na hitho; nacio igĩkĩĩyakĩra matĩri ma kũndũ gũtũũgĩru matũũra-inĩ ma cio mothe kũndũ guothe, imarutĩtie o mĩthiringo-inĩ ya nyũmba ndaya na igũrũ ya arangĩri, o nginya matũũra-inĩ marĩa mairigĩtwo na hinya.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Nao Asiraeli magĩĩka maũndũ maingĩ marĩa MWATHANI Ngai wao ataakenagio nĩmo. Magĩgĩaka kũndũ gũtũũgĩru kũrĩa gwathaathayagĩrio matũũrainĩ maao moothe, kuuma gatũũra karĩa kaniini kinya itũũra rĩrĩa inene.