2 Kings 9:26 — Compare Translations

Kikuyu (Kĩrĩkanĩro Gĩa Gĩkũyũ)

‘Ira nĩndĩroonire Nabothu na aariũ aake mooragwo. Na niĩ ndoiga atĩ ngaakũherithĩria o gũũkũ mũgũndainĩ ũyũ!’ ” Kwoguo Jehu agĩatha mũteithĩrĩria wake akĩmwĩra atĩrĩ, “Oya kĩimba gĩĩkĩ kĩa Joramu ũgĩikie mũgũndainĩ ũrĩa warĩ wa Nabothu nĩ geetha uuge wa MWATHANI ũhinge.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

‘Mũthenya wa ira nĩndĩronire thakame ya Nabothu na thakame ya ariũ ake, nĩguo Jehova ekuuga, na ti-itherũ nĩngatũma ũmĩrĩhĩre mũgũnda-inĩ o ũyũ, nĩguo Jehova ekuuga.’ Rĩu kĩmuoe, ũmũikie mũgũnda-inĩ ũcio, kũringana na kiugo kĩa Jehova.”

Kikuyu Bible (IBUKU RĨRĨA ITHERU RĨA NGAI)

Jehova oiga ũũ: Ti-itherũ ira nĩ kuona ndĩronire thakame ya Nabothu, o na ya ariũ ake; niĩ o na niĩ-rĩ, ngakũrĩhĩria ũndũ ũcio, o gũkũ mũgũnda ũyũ; ũguo nĩguo Jehova oiga. Tondũ ũcio muoithie rĩu aikio mũgũnda ũcio, o ta ũrĩa uuge wa Jehova watariĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Rĩrĩa Ahazia oonire ũrĩa gwekĩka, akĩũra ahaicĩĩte ngaari yake ya mbarathi aroreete itũũra rĩa Bethi Hagani. Naake Jehu akĩmũrũmĩrĩra, akiuga atĩrĩ, “O naake mũũrageei!” Nao andũ a Jehu makĩmũguraria rĩrĩa aatwarithagia ngaari yake ya mbarathi aroreete mwambatoinĩ wa Guri hakuhĩ na itũũra rĩa Ibileamu. Naake akĩyũmĩrĩria o nginya agĩkinya itũũrainĩ rĩa Megido kũrĩa aakuĩrĩire.