2 Samuel 20:22 — Compare Translations

Kikuyu (Kĩrĩkanĩro Gĩa Gĩkũyũ)

Mũndũ wa nja ũcio agĩgĩthiĩ kũrĩ andũ oothe a itũũra rĩu e na mũbango ũcio wake wa ũũgĩ, nao magĩgĩtinia Sheba mũtwe makĩwũikĩria Joabu na kũu mwena ũrĩa ũngĩ wa rũthingo. Naake Joabu akĩhuuha karumbeeta nĩguo amenyithie andũ aake moime itũũrainĩ rĩu, nao magĩkĩinũka o mũndũ gwake mũciĩ. Naake Joabu agĩcooka Jerusalemu kũrĩ mũthamaki.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Hĩndĩ ĩyo mũtumia ũcio agĩthiĩ kũrĩ andũ othe arĩ na mataaro macio make ma ũũgĩ, nao magĩtinia mũtwe wa Sheba mũrũ wa Bikiri, makĩũikĩria Joabu. Nĩ ũndũ ũcio Joabu akĩhuha karumbeta, nao andũ ake makĩharagana kuuma itũũra-inĩ, o mũndũ agĩcooka gwake mũciĩ. Nake Joabu agĩcooka kũrĩ mũthamaki kũu Jerusalemu.

Kikuyu Bible (IBUKU RĨRĨA ITHERU RĨA NGAI)

Hĩndĩ ĩo mũndũ-wa-nja ũcio agĩgĩthiĩ harĩ andũ akĩaria nao na ũũgĩ. Nao magĩtinia Sheba ũcio wa Bikiri mũtwe, makĩũikĩria Joabu na kũu mbarĩ ĩo ĩngĩ ya na nja. Nake Joabu agĩkĩhuhithia coro, nao andũ makĩharagania makiuma itũũra-inĩ rĩu, nao othe, mũndũ o mũndũ agĩthiĩ hema-inĩ yake. Nake Joabu agĩgĩcoka Jerusalemu he mũthamaki.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mũndũ wa nja ũcio agĩgĩthiĩ kũrĩ andũ oothe a itũũra rĩu e na mũbango ũcio wake wa ũũgĩ, nao magĩgĩtinia Sheba mũtwe makĩwũikĩria Joabu na kũu mwena ũrĩa ũngĩ wa rũthingo. Naake Joabu akĩhuuha karumbeeta nĩguo amenyithie andũ aake moime itũũrainĩ rĩu, nao magĩkĩinũka o mũndũ gwake mũciĩ. Naake Joabu agĩcooka Jerusalemu kũrĩ mũthamaki.