Acts 13:50 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
No Ayahudi magĩthogotha anene a itũũra o na atumia a Ndũũrĩrĩ arĩa meyamũrĩire Ngai na maarĩ igweta thĩinĩ wa itũũra. Nao magĩtũma maambĩrĩrie kũnyariira Paũlũ na Baranaba, magĩkĩmaruta nja ya itũũra.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
No Ayahudi magĩakĩrĩria atumia arĩa meyamũrĩire Ngai na maarĩ igweta, o na anene a itũũra inene. Makĩrutithia ngũĩ ya gũũkĩrĩra Paũlũ na Baranaba nĩguo manyariirwo, na makĩmaingata moime bũrũri-inĩ wao.
Kikuyu Bible (IBUKU RĨRĨA ITHERU RĨA NGAI)
No rĩrĩ, Ayahudi makĩhatĩrĩria atumia arĩa meamũrĩire Ngai, o arĩa maarĩ igweta, o na anene a itũũra, makĩrutithia ngũĩ nĩguo Paulo na Baranaba manyarirũo, makĩmaingata na hinya moime ndere-inĩ ciao.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
No Ayahudi magĩthogotha anene a itũũra o na atumia a Ndũũrĩrĩ arĩa meyamũrĩire Ngai na maarĩ igweta thĩinĩ wa itũũra. Nao magĩtũma maambĩrĩrie kũnyariira Paũlũ na Baranaba, magĩkĩmaruta nja ya itũũra.