Acts 20:9 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Naake mwanake wetagwo Eutuko aikaire ndiricainĩ. Na rĩĩrĩ, o ũrĩa Paũlũ aathiaga na mbere kwaria, noguo mwanake ũcio ahotagwo nĩ toro. Mũthiainĩ agĩkoma biũ, akĩgũa thĩ oimĩĩte nyũmba ya ngoroba ya gatatũ, na rĩrĩa maamuoire, agĩkorwo nĩakuĩte.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Nake mwanake wetagwo Eutiko aikarĩte ndirica-inĩ, na o ũrĩa Paũlũ aathiaga na mbere na kwaria-rĩ, noguo mwanake ũcio akĩragĩrĩria gũtoorio nĩ toro. Rĩrĩa aakomire, akĩgũa thĩ kuuma ngoroba ya gatatũ nao mamuoya magĩkora nĩ mũkuũ.
Kikuyu Bible (IBUKU RĨRĨA ITHERU RĨA NGAI)
Na mwanake wetagwo Eutuko nĩaaikarĩire ndirica-inĩ, akĩũmĩrũo mũno nĩ toro: nake Paulo aaraihia makĩria ũhoro ũcio aaheanaga, mwanake ũcio akĩgũa thĩ, oimĩte nyũmba ĩo yarĩ igũrũ rĩa iria ingĩ igĩrĩ, tondũ wa ũguo omĩiruo nĩ toro. Nao andũ maamuoya, makĩmũkora arĩ mũkuũ.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Naake mwanake wetagwo Eutuko aikaire ndiricainĩ. Na rĩĩrĩ, o ũrĩa Paũlũ aathiaga na mbere kwaria, noguo mwanake ũcio ahotagwo nĩ toro. Mũthiainĩ agĩkoma biũ, akĩgũa thĩ oimĩĩte nyũmba ya ngoroba ya gatatũ, na rĩrĩa maamuoire, agĩkorwo nĩakuĩte.