Acts 24:25 — Compare Translations

Kikuyu (Kĩrĩkanĩro Gĩa Gĩkũyũ)

Rĩrĩa Paũlũ aaragia ũhoro wa ũthingu na wa kwĩnyiita maũndũinĩ ma mwĩrĩ na wa Mũthenya wa Ituĩro rĩrĩa rĩgooka, Felike akĩmaka mũno akĩmwĩra atĩrĩ, “Rĩu no ũthiĩ, ndoona mweke nĩndĩgwĩta.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Rĩrĩa Paũlũ aaragia ũhoro wa ũthingu, na wa kwĩgirĩrĩria merirĩria ma mwĩrĩ, o na wa ciira ũrĩa ũgooka, Felike akĩigua etigĩra, akiuga atĩrĩ, “Nĩ ũguo! Rĩu no ũthiĩ. Rĩrĩa ndĩrĩgĩa na ihinda rĩagĩrĩire, nĩndĩgũtũmanĩra ũũke.”

Kikuyu Bible (IBUKU RĨRĨA ITHERU RĨA NGAI)

Na rĩrĩa aaragia ũhoro wa ũthingu, na wa mũndũ kwĩgirĩrĩria merirĩria ma mwĩrĩ, o na wa cira ũrĩa ũgoka-rĩ, Felike akĩmaka, agĩcokia atĩrĩ, Rĩu wĩthiĩre; na rĩrĩa ndĩrĩona hĩndĩ njagĩrĩru, nĩndĩrĩgwĩta ũũke.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Rĩrĩa Paũlũ aaragia ũhoro wa ũthingu na wa kwĩnyiita maũndũinĩ ma mwĩrĩ na wa Mũthenya wa Ituĩro rĩrĩa rĩgooka, Felike akĩmaka mũno akĩmwĩra atĩrĩ, “Rĩu no ũthiĩ, ndoona mweke nĩndĩgwĩta.”