Acts 5:21 — Compare Translations

Kikuyu (Kĩrĩkanĩro Gĩa Gĩkũyũ)

Nao magĩgĩathĩka, na kwarooka gũkĩa magĩtoonya Hekaarũinĩ makĩambĩrĩria kũrutana. Naake Mũthĩnjĩri Ngai Ũrĩa Mũnene agĩũka hamwe na arĩa angĩ maakoragwo naake, magĩĩta kĩama o na athuuri oothe a Isiraeli, magĩtũmana njeera kũrĩa atũmwo maahingĩirwo, makiuga maareehwo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Na rĩrĩ, ruoro rũgĩtema magĩtoonya hekarũ-inĩ, na makĩambĩrĩria kũruta andũ o ta ũrĩa meerĩĩtwo. Rĩrĩa mũthĩnjĩri-Ngai ũrĩa mũnene na andũ arĩa maakoragwo nake maakinyire-rĩ, magĩcookanĩrĩria Kĩama, kĩũngano gĩa athuuri othe a Isiraeli, na magĩtũmana njeera atũmwo magĩĩrwo.

Kikuyu Bible (IBUKU RĨRĨA ITHERU RĨA NGAI)

Nao maaigua ũguo, magĩtonya hekarũ-inĩ, ruoro rũgĩtema, magĩitĩka kũrutana ũhoro. No rĩrĩ, mũthĩnjĩri-Ngai ũrĩa mũnene o na arĩa maarĩ hamwe nake nĩmokire, makĩũngania kĩama, o na athuri othe arĩa athamaki a ciana cia Isiraeli, makĩrekia andũ kũrĩa atũmwo maahingĩirũo mamagĩre.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Nao magĩgĩathĩka, na kwarooka gũkĩa magĩtoonya Hekaarũinĩ makĩambĩrĩria kũrutana.Naake Mũthĩnjĩri Ngai Ũrĩa Mũnene agĩũka hamwe na arĩa angĩ maakoragwo naake, magĩĩta kĩama o na athuuri oothe a Isiraeli, magĩtũmana njeera kũrĩa atũmwo maahingĩirwo, makiuga maareehwo.