Amos 1:9 — Compare Translations

Kikuyu (Kĩrĩkanĩro Gĩa Gĩkũyũ)

MWATHANI ekuuga atĩrĩ, “Andũ a Turo nĩmeehĩĩtie kaingĩ kaingĩ, nĩ ũndũ ũcio no ngũmaherithia. Nĩ gũkorwo maathaamirie rũũrĩrĩ rũgima makĩrũtwara Edomu. Ningĩ matiigana gũconokera irĩĩko cia ũraata iria maarĩĩkanĩire naruo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ningĩ Jehova ekuuga atĩrĩ: “Nĩ ũndũ wa mehia matatũ ma Turo, o na mana-rĩ, niĩ ndikahũndũra mangʼũrĩ makwa. Tondũ nĩendirie kĩrĩndĩ gĩothe kĩa mĩgwate kũu Edomu, akĩaga gũtĩĩa kĩrĩkanĩro kĩa ũiguano kĩa ariũ a ithe.

Kikuyu Bible (IBUKU RĨRĨA ITHERU RĨA NGAI)

Ningĩ Jehova ekuuga ũũ: Tondũ wa mehia matatũ ma Turo-rĩ, ĩĩ-ni, o na kũmakĩria nginya mana-rĩ, ndingĩhũndũra kũherithio gwakuo; nĩ ũndũ maanahirĩra Edomu kĩrĩndĩ kĩrĩ o gĩothe gĩĩ gĩtahe na matiririkane kĩrĩkanĩro kĩa ũrĩa maaciaraine magatuĩka a ithe ũmwe:

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

MWATHANI ekuuga atĩrĩ,“Andũ a Turo nĩmeehĩĩtie kaingĩ kaingĩ, nĩ ũndũ ũcio no ngũmaherithia.Nĩ gũkorwo maathaamirie rũũrĩrĩ rũgima makĩrũtwara Edomu.Ningĩ matiigana gũconokera irĩĩko cia ũraata iria maarĩĩkanĩire naruo.