Amos 7:17 — Compare Translations

Kikuyu (Kĩrĩkanĩro Gĩa Gĩkũyũ)

No rĩĩrĩ, MWATHANI egũkwĩra atĩrĩ wee Amazia, ‘Mũtumia waku agũtuĩka mũmaraaya wa na kũu njĩrainĩ, nacio ciana ciaku ikooragĩrwo mbaarainĩ. Mũgũnda waku nĩũkaagayanio ũheeo andũ angĩ; wee ũgaakuĩra bũrũriinĩ mũgeni. Ningĩ gũtirĩ hingo andũ a Isiraeli matakaarutwo bũrũriinĩ wao na mathaamio.’ ”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Nĩ ũndũ ũcio Jehova ekuuga ũũ: “ ‘Mũtumia waku nĩagatuĩka mũmaraya itũũra-inĩ inene, nao aanake aku na airĩtu aku makooragwo na rũhiũ rwa njora. Bũrũri waku ũgaathimwo na ũgayanio, na wee mwene-rĩ, ũgaakuĩra bũrũri wa andũ matooĩ Ngai. Na ti-itherũ andũ a Isiraeli no nginya magaatahwo, matwarwo kũraya na bũrũri wao.’ ”

Kikuyu Bible (IBUKU RĨRĨA ITHERU RĨA NGAI)

tondũ ũcio-rĩ, Jehova ekuuga ũũ: Mũtumia waku nĩagatuĩka mũmaraya o itũũra thĩinĩ, na ariũ aku na airĩtu aku makoragwo na njomo, na gĩthaka gĩaku gĩatũranio thanju na mũkanda; nawe, wee mwene, niũgakuĩra bũrũri ũrĩ thahu, na Aisiraeli no mũhaka magatahwo marutwo bũrũri-inĩ ũyũ wao.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

No rĩĩrĩ, MWATHANI egũkwĩra atĩrĩ wee Amazia,‘Mũtumia waku agũtuĩka mũmaraaya wa na kũu njĩrainĩ, nacio ciana ciaku ikooragĩrwo mbaarainĩ.Mũgũnda waku nĩũkaagayanio ũheeo andũ angĩ; wee ũgaakuĩra bũrũriinĩ mũgeni. Ningĩ gũtirĩ hingo andũ a Isiraeli matakaarutwo bũrũriinĩ wao na mathaamio.’ ”