Amos 8:10 — Compare Translations

Kikuyu (Kĩrĩkanĩro Gĩa Gĩkũyũ)

Mĩthenya yanyu ya thigũkũ ngũmĩgarũrania ĩtuĩke mĩthenya ya macakaya. Nyĩmbo cianyu cia gĩkeno ndĩitue cia kĩeha. Nĩngaatũma mwenjwo mĩtwe yanyu kĩrĩĩa na mwĩhumbe nguo cia makũnia njohero cianyu. Inyuĩ na inyuĩ mũtuĩke ta aciari maracakaĩra mwana wao wa mũũmwe. Mũthenya ũcio ũgaakorwo ũrĩ mũrũrũ o nginya mũthia waguo.”

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nĩngagarũra ciathĩ cianyu ituĩke macakaya, na kũina kwanyu guothe gũtuĩke kĩrĩro. Nĩngatũma inyuothe mwĩhumbe makũnia, na ndĩmwenje mĩtwe. Nĩngatũma ihinda rĩu rĩhaane ta hĩndĩ ya macakaya ma mwana wa mũmwe, naguo mũthia warĩo ũtuĩke ta mũthenya mũrũrũ.”

Kikuyu Bible (IBUKU RĨRĨA ITHERU RĨA NGAI)

Nacio ciathĩ iria mũthiaga ngacigarũra ituĩke cia kĩgirĩko, na nyĩmbo cianyu ciothe ituĩke cia mũcakaĩko; o na ndũme inyuothe mwĩohe makũnia njohero, na inyuothe, mũndũ o mũndũ, enjwo kĩongo; nĩngatũma gũtuĩke ta ũrĩa mũriũ wa mũndũ, wa mũmwe, acakayagĩrũo akuĩte, na marigĩrĩrio-inĩ ma ũhoro ũcio gũtuĩke ta mũthenya wa gana.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mĩthenya yanyu ya thigũkũ ngũmĩgarũrania ĩtuĩke mĩthenya ya macakaya. Nyĩmbo cianyu cia gĩkeno ndĩitue cia kĩeha.Nĩngaatũma mwenjwo mĩtwe yanyu kĩrĩĩa na mwĩhumbe nguo cia makũnia njohero cianyu.Inyuĩ na inyuĩ mũtuĩke ta aciari maracakaĩra mwana wao wa mũũmwe.Mũthenya ũcio ũgaakorwo ũrĩ mũrũrũ o nginya mũthia waguo.”