Daniel 1:10 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

no mũnene ũcio akĩĩra Danieli atĩrĩ, “Nĩndĩretigĩra mũthamaki mwathi wakwa, ũrĩa ũtuĩte kĩrĩa mũrĩheagwo gĩa kũrĩa na gĩa kũnyua. Aangĩmuona mũrĩ ahĩnju gũkĩra aanake arĩa angĩ a riika rĩanyu-rĩ, angiuga nĩ kĩĩ gĩtũmĩte? Hĩndĩ ĩyo mũthamaki no aanengithie mũtwe nĩ ũndũ wanyu.”

Kikuyu Bible (IBUKU RĨRĨA ITHERU RĨA NGAI)

Nake mũnene ũcio wa andũ arĩa mehokeirũo wĩra wa nyũmba ya mũthamaki akĩĩra Danieli atĩrĩ, Nĩndĩretigĩra mwathi wakwa, mũthamaki, ũcio ũtuĩte atĩ mũheagwo irio icio cianyu o na ndibei ĩo; hihi egũkĩmuona mũrĩ ahĩnju ũthiũ gũkĩra andũ arĩa angĩ a riika rĩanyu nĩ ũndũ kĩ? Ti-itherũ mũngĩtuĩka ũguo-rĩ, mwaikara ta mũ’neanĩte harĩ mũthamaki ngerũo ngero.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na tondũ mũnyabaara nĩetigagĩra mũthamaki akĩĩra Danieli atĩrĩ, “Mũthamaki nĩ we ũtuĩte irio iria mũrĩrĩaga o na kĩrĩa mũrĩnyuaga. Angĩona mũrĩ ahĩnju moothiũinĩ maanyu kũrĩ aanake arĩa angĩ a riika rĩanyu ahota gũkanjũraga.”