Daniel 11:21 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Na rĩrĩ, mũndũ ũrĩa ũgooka ithenya rĩake agaakorwo arĩ mũndũ wa kũnyararwo mũndũ ũtangĩheo gĩtĩĩo kĩa mũthamaki. Nake nĩakahithũkĩra ũthamaki ũcio rĩrĩa andũ akuo mageciiria atĩ nĩ kũrĩ thayũ, aũtunyane na waara.

Kikuyu Bible (IBUKU RĨRĨA ITHERU RĨA NGAI)

Ningĩ thutha wake hacoke haarahũke mũndũ mũmeneku, ũrĩa ũgakorũo atangĩtĩĩka wa gũtuĩka mwathi wa bũrũri ũcio; no agoka na mbũkĩrĩra, egwatĩre ũthamaki ũcio na wara.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake mũraika ũcio agĩthiĩ na mbere kwaria akiuga atĩrĩ, “Mũthamaki wa Siria, ũrĩa ũkaarũmĩrĩra agaakorwo arĩ mũndũ mũũru wĩigĩrĩire gũtuĩka mũthamaki. Akaarũũgama ateerĩgĩrĩirwo na anyiite wathani na njĩra ya wara.