Daniel 11:30 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Andũ a kuuma Kitimu nĩmagooka na marikabu ciao mamũũkĩrĩre, nake nĩagaakua ngoro. Nake nĩakahũndũka arakarĩte mũno na okĩrĩre kĩrĩkanĩro kĩrĩa gĩtheru. Nĩagacooka eke maũndũ ma ũtugi kũrĩ andũ arĩa othe magaatirika kĩrĩkanĩro kĩu gĩtheru.

Kikuyu Bible (IBUKU RĨRĨA ITHERU RĨA NGAI)

amu andũ a bũrũri wa Kitimu nĩmagoka na marikabu ciao, mamũtharĩkĩre; na nĩ ũndũ wa ũguo akaiguithio guoya ngoro, na ahũndũke, athũgũtĩire kĩrĩkanĩro kĩu gĩtheru, na ekanage o ta ũrĩa ekwĩendera, o na acoke kũiguanĩra ũhoro na andũ arĩa matirikĩte kĩrĩkanĩro kĩu gĩtheru.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Nĩ gũkorwo meeri cia Aroma nĩikaamũtharĩkĩra, etigĩre acooke na thuutha.“Agaacooka na thuutha arĩ na maraakara maingĩ na agerie kwĩruta marũrũ macio na gũthũũkia kĩrĩĩkanĩro kĩrĩa gĩtheru. Akaarũmĩrĩra mataaro ma arĩa matiganĩirie kĩrĩĩkanĩro kĩu.