Daniel 11:36 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Mũthamaki ũcio ageekaga o ũrĩa ekwenda. Nĩagetũũgĩria na enenehie gũkĩra ngai ciothe na nĩakaaragia ndeto itarĩ ciaiguuo cia gũũkĩrĩra Ngai wa ngai ciothe. Nake nĩakagaacĩra nginya rĩrĩa ihinda rĩa mangʼũrĩ rĩgaathira, nĩgũkorwo ũndũ ũrĩa ũtuĩtwo no nginya ũkaahinga.

Kikuyu Bible (IBUKU RĨRĨA ITHERU RĨA NGAI)

No mũthamaki ũcio agekaga o ũrĩa ekwĩendera, na etũũgĩrie mũno, na enenehie gũkĩra ngai ciothe, o na aarĩrĩre Ngai ũrĩa ũkĩrĩte ngai iria ingĩ ciothe na ndeto cia kũmakania; nake nĩagaikara agaacĩire o nginya rĩrĩa mathũgũta marĩa meĩ magakorũo makinyĩte; tondũ gũtirĩ hĩndĩ maũndũ marĩa matuĩtwo matakahingio.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Mũthamaki ũcio wa Siria ageekaga o ũrĩa ekwenda. Nĩageetũũgĩria na eyambatĩrie igũrũ rĩa ngai o yothe. Nĩakaaria maũndũ mooru ma kũmakania igũrũ rĩa Ngai Ũrĩa Ũrĩ Igũrũ Mũno. Nĩakaagaacĩra nginya hĩndĩ ya maraakara ĩkinye, tondũ ũndũ ũrĩa mũtue no mũhaka ũhinge.