Daniel 4:14 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Akĩanĩrĩra na mũgambo mũnene, akiuga atĩrĩ: Temai mũtĩ ũcio na mũhũrũre honge ciaguo; itithiai mathangũ maguo, na mũhurunje maciaro maguo. Nyamũ nacio ciũre ciehere rungu waguo, o na nyoni ciume honge-inĩ ciaguo.

Kikuyu Bible (IBUKU RĨRĨA ITHERU RĨA NGAI)

akĩanĩrĩra na mũgambo mũnene, akiuga atĩrĩ, Temai mũtĩ ũyũ, na mũcuure honge ciaguo; Itithiai mathangũ maguo, na mũhurunje maciaro maguo; Nyamũ nĩciehere gĩtina-inĩ kĩaguo, nacio nyoni ithame ciume honge-inĩ ciaguo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Akĩgũũthũka akiuga atĩrĩĩrĩ, ‘Temaai mũtĩ ũcio o na mũbure honge ciaguo. Hũrũraai mathangũ maaguo na mũhurunje matunda maaguo. Ingataai nyamũ cia gĩthaka ciume gĩtinainĩ kĩaguo na mũũmbũre nyoni hongeinĩ ciaguo.