Daniel 4:35 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Andũ othe a gũkũ thĩ amonaga ta matarĩ bata. Nake ekaga ũrĩa ekwenda na mbũtũ cia kũu igũrũ, na andũ arĩa matũũraga gũkũ thĩ. Na gũtirĩ mũndũ ũngĩhota kũgirĩrĩria guoko gwake, kana amũũrie atĩrĩ: “Nĩatĩa ũguo weka?”

Kikuyu Bible (IBUKU RĨRĨA ITHERU RĨA NGAI)

Andũ othe a gũkũ thĩ monagwo nĩwe ta matarĩ bata o na hanini, nake ekaga o ta ũrĩa eyendeire kũu mbũtũ-inĩ ciake cia matu-inĩ, ningĩ ageka o ro ũguo thĩinĩ wa andũ a gũkũ thĩ; na gũtirĩ mũndũ ũngĩhota kũmũgirĩrĩria ũndũ, o na kana amũũrie, Ũreka atĩa?

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Atũũri oothe a thĩ mbere yake nĩ kĩndũ hatarĩ. Ningĩ eekaga ũrĩa ekwenda na araika arĩa marĩ igũrũ, o na harĩ atũũri a gũũkũ thĩ.Gũtirĩ ũngĩhota gwĩtiiria guoko gwake o na kana amũũrie, ‘Ũreeka atĩa?’ ”