Daniel 5:7 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũthamaki akĩanĩrĩra na mũgambo mũnene, akiuga aragũri, na arori a njata, na arathi a mohoro mareehwo nake akĩĩra andũ acio oogĩ a Babuloni atĩrĩ, “Ũrĩa wothe ũngĩthoma maandĩko maya na anjĩĩre ũrĩa moigĩte, nĩekũhumbwo nguo cia rangi wa ndathi, na ekĩrwo kĩrengeeri gĩa thahabu ngingo, na nĩegũtuuo mwathani wa gatatũ ũthamaki-inĩ ũyũ.”

Kikuyu Bible (IBUKU RĨRĨA ITHERU RĨA NGAI)

Nake mũthamaki agĩkĩanĩrĩra akiuga atĩ aragũri, na Akalidei, o na arathi-a-mohoro, marehwo moke harĩ we; nake mũthamaki akĩaria na andũ acio ogĩ a Babuloni, akĩmera ũũ: Atĩrĩrĩ, mũndũ ũrĩa ũrĩhota gũthoma ndemwa ici na anyonie ũrĩa ingĩtaũrũo, nĩekũhumbwo nguo cia rangi wa zambarau, na ekĩrũo kĩrengeri gĩa thahabu ngingo, na atuwo wa gatatũ ũthamaki-inĩ ũyũ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Akĩgũũthũka na hinya agĩathana atĩ ago, aragũri, na oogĩ a njata mareehwo. Rĩrĩa mookire-rĩ, akĩmeera atĩrĩ, “Ũrĩa ũkũhota gũthooma maandĩko maya na anjĩĩre ũrĩa maroiga-rĩ, nĩekũhumbwo nguo nduune cia ũthamaki, eekĩrwo kĩrengeeri gĩa thahabu ngingo gĩa kuonania gĩtĩĩo gĩake, na nĩ nĩwe ũgũtuĩka wa gatatũ ũthamakiinĩ wakwa.”