Daniel 6:12 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nĩ ũndũ ũcio magĩthiĩ harĩ mũthamaki na makĩaria nake igũrũ rĩa uuge ũcio wa mũthamaki: Makĩmũũria atĩrĩ, “Githĩ ndwandĩkithirie watho atĩ handũ ha matukũ mĩrongo ĩtatũ, mũndũ ũngĩhooya ngai o na ĩrĩkũ kana ahooe mũndũ o na ũrĩkũ tiga o we mũthamaki, no nginya aikio irima-inĩ rĩa mĩrũũthi?” Mũthamaki agĩcookia atĩrĩ, “Watho ũcio ũrĩ o ho, kũringana na mawatho ma Amedi na Aperisia, marĩa matagarũragwo.”

Kikuyu Bible (IBUKU RĨRĨA ITHERU RĨA NGAI)

Nao magĩgĩthiĩ, magĩthengerera mũthamaki, makĩmũhoya ũhoro wa mũhingo ũcio wake, makĩmũũria atĩrĩ, Githĩ ndwaandĩkire watho thaĩri wa gwĩkĩra mũhingo hinya, ũkiuga atĩ mũndũ o na ũrĩkũ angĩhoya ngai o na ĩrĩkũ ũndũ, o na kana ahoe mũndũ o na ũrĩkũ, tiga o akũhoe wee mũthamaki, hĩndĩ ya matukũ mĩrongo ĩtatũ ĩgĩgathira, no nginya aikio irima-inĩ rĩa mĩrũthi? Nake mũthamaki akĩmacokeria, akiuga atĩrĩ, Ũhoro ũcio nĩ wa ma, na nĩũringaine na ũrĩa mawatho ma Amedia na Aperisia matariĩ, tondũ matigarũragĩrũo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Thuutha ũcio nĩmaathiire mbere ya mũthamaki makĩmwĩra atĩrĩ, “Mũthamaki witũ githĩ ndwekĩrire watho thaĩri atĩ matukũ mĩrongo ĩtatũ marĩa mekũrũmĩrĩra, mũndũ o na ũrĩkũ angĩgaathaathaiya ngai ĩngĩ o na kana mũndũ ũngĩ o tiga wee, nĩagaikio irima rĩrĩ na mĩrũũthi?”Mũthamaki agĩgĩcookia atĩrĩ, “Ĩĩni, na nĩ watho mũrũmu kũringana na watho wa Amede na Aperisia ũrĩa ũtagarũragwo.”