Daniel 8:25 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nĩagatũma maũndũ ma maheeni magaacĩre, na nĩakeyona arĩ mũnene gũkĩra andũ arĩa angĩ. Rĩrĩa makaigua ta kũrĩ thayũ nĩguo nake akooragithia andũ aingĩ, o na okĩrĩre Mũnene wa anene. No rĩrĩ, nĩakanangwo, no ti hinya wa mũndũ ũkaamwananga.

Kikuyu Bible (IBUKU RĨRĨA ITHERU RĨA NGAI)

Ningĩ wara wake nĩguo ũgatũma maũndũ ma ũrĩa-ma maingĩhio maũndũ-inĩ marĩa agekaga, na nĩakenenehia na ngoro yake, ningĩ oragithie andũ aingĩ materĩgĩrĩire atĩ nĩmegũũka kũũragwo. O na ningĩ nĩagokĩrĩra Mũnene-wa-Anene; no rĩrĩ, nĩakaninwo o ro ũguo, atarĩ mũhutie na guoko kwa mũndũ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na tondũ nĩ mwara, nĩagaatũma maũndũ ma maheeni mahootanage. Nĩakeegaathagĩrĩria we mwene na ahithũkagĩre andũ aingĩ materĩgĩrĩire o na nginya kũrũa na Mũnene wa anene. No rĩĩrĩ akaagũa atahũũrĩĩtwo nĩ andũ.