Daniel 9:16 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Atĩrĩrĩ Wee Mwathani, kũringana na ciĩko ciaku cia ũthingu, ehereria Jerusalemu, itũũra rĩu rĩaku inene, na kĩrĩma gĩaku gĩtheru marakara na mangʼũrĩ maku. Mehia maitũ na mawaganu ma maithe maitũ nĩmo matũmĩte Jerusalemu hamwe na andũ aku matuĩke kĩndũ gĩa gũconorithio harĩ andũ arĩa othe matũthiũrũrũkĩirie.

Kikuyu Bible (IBUKU RĨRĨA ITHERU RĨA NGAI)

Mwathani, ndagũthaitha wĩtĩkĩre kũhoreria marakara maku nĩ ũndũ wa ũthingu waku wothe, ũtige kũng’ũrĩkĩra itũũra rĩaku rĩa Jerusalemu rĩrĩa rĩakĩtwo kĩrĩma-inĩ gĩaku kĩamũre, amu itũũra rĩu rĩa Jerusalemu nĩrĩconorithĩtio rĩkĩonwo nĩ andũ othe arĩa matũthiũrũrũkĩirie, rĩo rĩene o na andũ aku othe, nĩ ũndũ wa mehia maitũ o na mawaganu ma maithe maitũ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mwathani, kũringana na mawĩko maaku ma ũtugi, thengeria Jerusalemu, o kĩo kĩrĩma gĩaku gĩtheru, maraakara na marũrũ maaku. Nĩ ũndũ wa mawĩhia maitũ na ũremi wa maithe maitũ, Jerusalemu na andũ aaku nĩmatuĩkĩĩte a gũthekererwo nĩ arĩa oothe matũrigiicĩirie.