Daniel 9:25 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Atĩrĩrĩ, menya na ũtaũkĩrwo atĩrĩ, ‘Kuuma rĩrĩa gwatuirwo atĩ itũũra rĩa Jerusalemu rĩcookererio na rĩakwo rĩngĩ, nginya rĩrĩa mũtongoria ũrĩa Mũitĩrĩrie Maguta agooka-rĩ, nĩgũkagĩa na ciumia mũgwanja na ciumia ingĩ mĩrongo ĩtandatũ na igĩrĩ. Itũũra rĩu nĩrĩgaakwo rĩngĩ, hamwe na njĩra ciarĩo na mũtaro, no gũgaakorwo kũrĩ mahinda ma thĩĩna.

Kikuyu Bible (IBUKU RĨRĨA ITHERU RĨA NGAI)

Atĩrĩrĩ, igua na ũmenye wega atĩ nĩgũkagĩa na ihinda rĩa ciumia mũgwanja kuuma rĩrĩa watho ũkaheanwo wa gũcoka gwaka Jerusalemu nginya rĩrĩa mũtongoria akoneka, ũrĩa mũitĩrĩrie maguta. Ningĩ ciumia mĩrongo ĩtandatũ na igĩrĩ ciathira-rĩ, Jerusalemu nĩrĩgakorũo rĩakĩkĩte wega, itũũra rĩo rĩene, na njĩra ciarĩo, o na mũtaro warĩo wa maĩ ũrĩa ũrĩthiũrũrũkĩirie; narĩo rĩgĩgaakwo-rĩ, nĩgũkagĩa na mahinda ma thĩna.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Kwoguo menya na ũtaũkĩrwo wega atĩ kuuma rĩrĩa watho ũkaaheanwo wa gũcookereria na gwaka Jerusalemu riita rĩngĩ o kinya rĩrĩa mũtongoria ũrĩa mũitĩrĩrie maguta agooka, nĩgũkaagĩa na ihinda rĩa ciumia mũgwanja. Ningĩ itĩĩna rĩa ciumia mĩrongo ĩtandatũ na igĩrĩ nĩrĩgaathira Jerusalemu ĩgĩgaakĩka na yakwo ĩrĩ na barabara na ĩirigĩirwo wega mũno. No gũgaakorwo kũrĩ hĩndĩ ya mathĩĩna.