Deuteronomy 9:16 — Compare Translations

Kikuyu (Kĩrĩkanĩro Gĩa Gĩkũyũ)

Na niĩ ngĩcũũthĩrĩria ngĩona atĩ nĩmwakararĩĩtie ũrĩa MWATHANI Ngai wanyu aamwathĩĩte, na mũkamũhĩtĩria na ũndũ wa gwĩthondekera mũhianano wa gateegwa ga cuuma.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Rĩrĩa ndaacũthĩrĩirie, nĩndonire atĩ nĩmwehĩirie Jehova Ngai wanyu; nĩ mwethondekeire mũhianano wa gũtwekio ũhaana ta njaũ. Nĩmwagarũrũkĩte o narua mũgatiga kũrũmĩrĩra njĩra ĩrĩa Jehova aamwathĩte mũrũmagĩrĩre.

Kikuyu Bible (IBUKU RĨRĨA ITHERU RĨA NGAI)

Na niĩ ngĩgĩcũthĩrĩria ngĩona atĩ nĩmwĩhĩtie mbere ya Jehova Ngai wanyu, mũgethondekera njaũ ya gũtwekio, na mũkagarũrũka o narua mũgatiga kũrũmĩrĩra njĩra ĩrĩa Jehova aamwathĩte mũthiage nayo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na niĩ ngĩcũũthĩrĩria ngĩona atĩ nĩmwakararĩĩtie ũrĩa MWATHANI Ngai wanyu aamwathĩĩte, na mũkamũhĩtĩria na ũndũ wa gwĩthondekera mũhianano wa gateegwa ga cuuma.