Esther 3:12 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Na rĩrĩ, mũthenya wa ikũmi na ĩtatũ wa mweri wa mbere, aandĩki-marũa a mũthamaki magĩĩtwo. Makĩandĩka ũrĩa wothe Hamani aathanĩte, na mwandĩkĩre wa o bũrũri, na rũthiomi rwa o rũrĩrĩ, makĩandĩkĩra anene a mũthamaki, na abarũthi a mabũrũri a kũndũ na kũndũ, na andũ arĩa maarĩ igweta a ndũrĩrĩ mwanya. Marũa macio maandĩkirwo na rĩĩtwa rĩa Mũthamaki Ahasuerusu we mwene, na magĩĩkĩrwo mũhũũri wa gĩcũhĩ gĩake mwene.

Kikuyu Bible (IBUKU RĨRĨA ITHERU RĨA NGAI)

Hĩndĩ ĩo aandĩki-marũa a mũthamaki magĩĩtwo, o mweri ũrĩa wa mbere, mũthenya wa ikũmi na ĩtatũ waguo, nakuo gũkĩandĩkwo marũa ma kũmenyithia abarũthi arĩa anene o na arĩa anyinyi arĩa maathaga mabũrũri mothe ma mũthamaki ũcio, o na aathani a ndũrĩrĩ ciothe ciamo, maũndũ maringaine na marĩa Hamani aathanire mekwo; namo marũa macio magĩtwarũo o bũrũri, maandĩkĩtwo o ta ũrĩa mwandĩkĩre waguo watariĩ, o na ndũrĩrĩ-inĩ ciothe, o rũrĩrĩ na ciugo cia mwarĩrie waruo kĩũmbe; naguo ũhoro ũrĩa waandĩkĩtwo marũa-inĩ macio ũgĩĩkĩrũo thaĩri ya Ahasuerusu, mũthamaki, naguo ũgĩcinĩrĩrũo rũũri rũa gĩcũhĩ gĩake.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Mweri ikũmi na ithatũ mweriinĩ wa mbere, Hamani agĩĩta tũrani twa mũthamaki akĩmeera makĩandĩkaga ũrĩa wothe oigaga, ũgĩtaũrwo na thiomi cia kũndũ guothe o hamwe na mĩandĩkĩre yothe. Ningĩ ũgĩcooka ũgĩtũmĩrwo atongoria, anene, o hamwe na aathani. Ũhoro ũcio wandĩkirwo atĩ nĩ mũthamaki uugĩĩte, na ũkĩhũũrwo mũhũũri na gĩcũhĩ gĩake.