Esther 3:4 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

O mũthenya nĩmamwaragĩria no akĩrega kũmaigua. Nĩ ũndũ ũcio makĩhe Hamani ũhoro ũcio nĩgeetha mone kana mũtugo ũcio wa Moridekai no ũkirĩrĩrio, nĩgũkorwo nĩameerĩte atĩ we aarĩ Mũyahudi.

Kikuyu Bible (IBUKU RĨRĨA ITHERU RĨA NGAI)

Na gũgĩkinya atĩrĩ, atĩ hĩndĩ ĩrĩa ciatũire imwaragĩria ũguo o mũthenya, o akĩregaga gũciigua-rĩ, igĩgĩcoka ikĩhe Hamani ũhoro ũcio, nĩ getha imenye kana hihi ũndũ ũcio Moridekai ekaga wahota gũikara ũtekũũrio; nĩ ũndũ Moridekai nĩaaciĩrĩte atĩ nĩ Mũyahudi.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

“Nĩ kĩĩ gĩtũmaga wage gwathĩkĩra watho wa mũthamaki?” Thuutha wa kũmũũria ũguo o mũthenya o mũthenya akĩagaga kũmaathĩkĩra-rĩ, nĩmeerire Hamani ũhoro ũcio nĩguo marore kana hiihi nĩekũũria Moridekai nĩ ũndũ wa ũguo eekaga, amu nĩameerĩĩte atĩ we nĩ Mũyahudi.