Esther 3:7 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mwaka-inĩ wa ikũmi na ĩĩrĩ wa Mũthamaki Ahasuerusu, mweri wa mbere, mweri wa Nisani, magĩcuuka puri (ũguo nĩ ta kuuga gũcuuka mĩtĩ) mbere ya Hamani nĩguo mathuure mũthenya na mweri. Naguo mũtĩ ũkĩgwĩra mweri wa ikũmi na ĩĩrĩ, nĩguo mweri wa Adari.

Kikuyu Bible (IBUKU RĨRĨA ITHERU RĨA NGAI)

Naguo mweri wa mbere, o ũcio wetagwo Nisani, wa mwaka wa ikũmi na ĩĩrĩ ĩrĩa Ahasuerusu aakorirũo athamakĩte-rĩ, Hamani agĩcukithĩria ’Puri’ harĩ we, naguo ũguo nĩ ta kuuga agĩcukithia mĩtĩ ya mũthenya o mũthenya, o na mweri o mweri, o nginya mweri wa ikũmi na ĩĩrĩ, naguo nĩguo Adari, ũkĩgũĩrũo nĩyo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na rĩĩrĩ, mweriinĩ wa mbere na nĩguo wĩtagwo Nisani, mwakainĩ wa ikũmi na ĩĩrĩ wa wathani wa Ahasuerusu, Hamani nĩathanire atĩ gũcuukwo mĩtĩ, na ũguo nĩ ta kuuga Purimu, kuoneke nĩ mũthenya ũrĩkũ na mweri ũrĩkũ itua rĩake rĩkaahingio. Nĩkuonekire atĩ mũthenya ũrĩa wagĩrĩire nĩ mũthenya wa ikũmi na ĩtatũ wa mweri wa ikũmi na ĩĩrĩ, nĩguo wĩtagwo Adari.