Esther 3:8 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Hamani agĩcooka akĩĩra Mũthamaki Ahasuerusu atĩrĩ, “Nĩ kũrĩ rũrĩrĩ rũhurunjũkĩire ndũrĩrĩ-inĩ cia mabũrũri mothe marĩa ũthamakagĩra, rũrĩa mĩtugo yao ĩtahaanaine na ya andũ arĩa angĩ othe, na andũ a rũrĩrĩ rũu matiathĩkagĩra mawatho ma mũthamaki; nĩ ũndũ ũcio hatirĩ bata wa mũthamaki kũmakirĩrĩria.

Kikuyu Bible (IBUKU RĨRĨA ITHERU RĨA NGAI)

Nake Hamani agĩkĩĩra Ahasuerusu mũthamaki atĩrĩ, Nĩkũrĩ rũrĩrĩ rũmwe rũharaganĩirie thĩinĩ wa andũ aku arĩa matũũraga mabũrũri mothe marĩa ũthamakaga, naruo rũikaraga rũĩamũrĩte, o namo mawatho maruo, ma maũndũ marĩa rũĩkaga, nĩmaraihanĩrĩirie na ma andũ arĩa angĩ othe; na ningĩ andũ acio matimenyagĩrĩra mawatho maku, wee mũthamaki witũ; tondũ ũcio, wee mũthamaki witũ, ndwagĩrĩirũo nĩ kũreka maikare o ro ũguo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Hamani agĩkĩĩra mũthamaki atĩrĩ, “Nĩkũrĩ rũũrĩrĩ rwĩ kũndũ guothe thĩinĩ wa kũrĩa wathanaga, na rũkoragwo mabũrũri moothe. Mawatho maaruo matihaana ma andũ angĩ o na arĩkũ, na rũtiathĩkagĩra mawatho ma mũthamaki, na kwoguo hatirĩ bata wa kũrũkirĩrĩria.