Esther 4:7 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Nake Moridekai akĩmwĩra maũndũ marĩa mothe maamũkorete, hamwe na mũigana wa mbeeca iria ciothe Hamani eeranĩire kũrĩha ciigwo kĩgĩĩna-inĩ kĩa mũthamaki nĩguo Ayahudi maniinwo biũ.

Kikuyu Bible (IBUKU RĨRĨA ITHERU RĨA NGAI)

Nake Moridekai akĩmũhe ũhoro wothe wa maũndũ marĩa maamũkorete, o na akĩmũmenyithia wega ũrĩa mbia ciigana iria Hamani eranĩire atĩ nĩekũruta ciigwo kũndũ kũrĩa kũigagwo mũthithũ wa indo cia bata cia mũthamaki, nĩ getha Ayahudi maninwo biũ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

naake Moridekai akĩmwĩra ũrĩa wothe we eekĩĩtwo, na mũigana wa mbeeca iria Hamani eeranĩire atĩ nĩekũiga kĩĩgĩnainĩ kĩa mũthamaki, Ayahudi oothe mangĩniinwo.