Esther 5:9 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mũthenya ũcio Hamani nĩoimire kũu akenete na agacanjamũka ngoro. No hĩndĩ ĩrĩa onire Moridekai hau kĩhingo-inĩ kĩa mũciĩ wa mũthamaki na akĩona atĩ ndaramũrũgamĩra kana akamwĩtigĩra, akĩngʼũrĩka mũno nĩ ũndũ wa Moridekai.

Kikuyu Bible (IBUKU RĨRĨA ITHERU RĨA NGAI)

Na mũthenya ũcio Hamani agĩkiuma kũu, agĩĩthiĩra akenete na ngoro yake mũno; no rĩrĩ, hĩndĩ ĩrĩa Hamani onire Moridekai kĩhingo-inĩ kĩa mũthamaki, na akĩona atĩ ndekũmũrũgamĩra, o na kana ageka ũndũ o na ũmwe ta wa kũmũtĩa, agĩgĩtũkũyana mũno nĩ ũndũ wake.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Hamani agĩkiuma irugainĩ e na gĩkeno na acanjamũkĩĩte ngoro, no rĩĩrĩ, akinya kĩhingoinĩ gĩa gũtoonya kwa mũthamaki akĩona Moridekai ndanarũũgama, na ndanamũhe gĩtĩĩo o na haniini, akĩhĩtũka. Hamani nĩaraakaririo nĩ ũndũ ũcio mũno.