Esther 7:8 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Na rĩrĩa mũthamaki aacookaga nyũmba ya iruga kuuma mũgũnda-inĩ ũcio wa nyũmba ya ũthamaki, Hamani nake noguo aakorirwo akĩĩgũithia gĩtĩ-inĩ harĩa Esiteri aaikairĩte. Nake mũthamaki akĩgũthũka, akĩũria atĩrĩ, “Kaĩ angĩnyiita mũtumia wa mũthamaki na hinya o na tũrĩ nake gũkũ nyũmba?” Mũthamaki akĩrĩkia kuuga ũguo, makĩhumbĩra Hamani ũthiũ.

Kikuyu Bible (IBUKU RĨRĨA ITHERU RĨA NGAI)

Nake mũthamaki akiuma mũgũnda ũcio wa nyũmba-inĩ ya mũthamaki, agĩcoka harĩa maanyuagĩra ndibei iruga-inĩ rĩu; nake Hamani agĩkorũo egũithĩtie ũrĩrĩ-inĩ ũrĩa Esiteri aaikarĩire etiiranĩtie. Hĩndĩ ĩo mũthamaki agĩkiuga atĩrĩ, Hĩ, kaĩ egũkĩenda kũrũnda mũtumia wakwa, o gũkũ nyũmba ndĩkĩrĩ ho? Nake mũthamaki aarĩkia kuuga ũguo andũ magĩkĩhumba Hamani ũthiũ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake mũthamaki akiuma mũgũndainĩ agĩcooka harĩa maanyuagĩra ndibei, agĩkora Hamani egũithĩĩtie gĩtĩinĩ kĩa mwĩtiiranio harĩa Esiteri aarĩ akĩmũthaitha. Mũthamaki oona ũguo akiuga atĩrĩ, “Mũndũ ũyũ kaĩ egũkĩenda kũnyiita mũtumia wakwa na hinya gũũkũ nyũmba gwakwa o na ndĩrĩ o ho?”Mũthamaki akĩrĩĩkia kuuga ũguo, arũme arĩa ahakũre makĩhumbĩra Hamani mũtwe.