Esther 8:17 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Thĩinĩ wa bũrũri o wothe o na thĩinĩ wa itũũra inene o rĩothe, kũrĩa guothe itua rĩu rĩa mũthamaki rĩatwarirwo, Ayahudi nĩmagĩire na gĩkeno na magĩcanjamũka, makĩruga maruga magĩkũngũĩra. Na andũ aingĩ a ndũrĩrĩ ingĩ makĩĩgarũra magĩĩtua Ayahudi tondũ nĩmanyiitĩtwo nĩ guoya wa gwĩtigĩra Ayahudi.

Kikuyu Bible (IBUKU RĨRĨA ITHERU RĨA NGAI)

Na gũgĩtuĩka atĩrĩ, atĩ mabũrũri mothe o bũrũri, na itũũra o itũũra, o kũndũ guothe kũrĩa watho ũcio wa mũthamaki wakinyire, o na ũhoro ũcio waathanĩtwo nĩwe wa kũrũmĩrũo-rĩ, Ayahudi magĩkena na makĩigua wega, magĩkĩruga maruga, o na magĩtinda makenete. O nao andũ aingĩ a mabũrũri macio makĩĩgarũra magĩĩtua Ayahudi, nĩ ũndũ nĩmaagwatirũo nĩ guoya nĩ gwĩtigĩra Ayahudi.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Na rĩĩrĩ, ng'ongoinĩ ciothe na matũũrainĩ moothe kũrĩa watho ũcio wa mũthamaki wathoomagwo, Ayahudi no gũcanjamũka maacanjamũkaga magakena, magathondeka maruga, na magakĩhuurũka kũruta mawĩra. Andũ angĩ aingĩ nĩmaagarũrũkire magĩtuĩka Ayahudi tondũ nĩmaameetigagĩra.