Esther 8:5 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Akĩĩra mũthamaki atĩrĩ, “Mũthamaki angĩona kwagĩrĩire, na ngorwo nĩnjĩtĩkĩrĩkĩte nĩwe na one ũndũ ũcio nĩguo wagĩrĩire nĩ gwĩkwo, na akorwo nĩ akenetio nĩ niĩ-rĩ, nĩetĩkĩre kwandĩkithia watho wa kũgarũra marũa marĩa maatũmĩtwo nĩ Hamani mũrũ wa Hamedatha, ũcio Mũagagi, ũrĩa aaciirĩire na akĩandĩkithia nĩguo aniinithie Ayahudi mabũrũri-inĩ marĩa mothe mũthamaki athamakaga.

Kikuyu Bible (IBUKU RĨRĨA ITHERU RĨA NGAI)

akiuga atĩrĩ, Kũngĩkorũo wee, mũthamaki wakwa, nĩũkuona arĩ wega, o na niĩ ngorũo njĩtĩkĩrĩkĩte nĩwe, o naguo ũadũ ũcio wonwo wagĩrĩire mbere yaku, wee, mũthamaki ũyũ, na niĩ nyonwo njagĩrĩire na maitho maku-rĩ, ndagũthaitha ũreke haandĩkwo marũa ma gũthahia macio maandĩkithĩtio nĩ Hamani, mũrũ wa Hamedatha, Mũagagi, na wara, o macio aandĩkithĩtie ma kũninithia Ayahudi arĩa marĩ mabũrũri mothe marĩa maathagwo nĩwe, mũthamaki ũyũ;

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Naake Esiteri akĩrũũgama na igũrũ hau mbere ya mũthamaki akiuga atĩrĩ, “Angĩkorwo mũthamaki nĩũkuona arĩ wega, na angĩkorwo nĩnjĩtĩkĩrĩkĩĩte nĩwe, na angĩkorwo nĩũkuona kwagĩrĩire, na ngorwo nĩngũkeneetie-rĩ, athana atĩ kwandĩkwo marũa magũtharia marũa marĩa maandĩkĩĩtwo nĩ Hamani ũcio Mũagagi, mũrũ wa Hamedatha, marĩa aandĩkire makũniinithia Ayahudi arĩa oothe me bũrũri ũrĩa wathanaga.