Esther 8:9 — Compare Translations

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

O rĩmwe aandĩki-marũa a ũthamaki magĩĩtwo, mũthenya wa mĩrongo ĩĩrĩ na ithatũ, mweri-inĩ wa gatatũ, mweri wa Sivani. Makĩandĩka watho wothe wa Moridekai kũrĩ Ayahudi na anene a mũthamaki, na abarũthi, na andũ arĩa maarĩ igweta a mabũrũri 127 matambũrũkĩte kuuma bũrũri wa Ahĩndĩ nginya bũrũri wa Kushi. Mawatho macio maandĩkirwo na mwandĩkĩre wa o bũrũri na rũthiomi rwa a andũ, o na kũrĩ Ayahudi na mwandĩkĩre na rũthiomi rwao.

Kikuyu Bible (IBUKU RĨRĨA ITHERU RĨA NGAI)

Narĩo ihinda rĩu aandĩki-marũa a mũthamaki magĩĩtwo, o mweri wa ĩtatũ, naguo mweri ũcio nĩguo wetagwo Sivani, mũthenya wa mĩrongo ĩĩrĩ na ĩtatũ waguo; naguo ũhoro ũrĩa waandĩkirũo marũa-inĩ macio warĩ wa kũmenyithania maũndũ mothe marĩa Moridekai aathanire mekwo nĩ Ayahudi, o na abarũthi arĩa anene o na anyinyi, o na anene arĩa angĩ a mabũrũri marĩa maathagwo nĩ mũthamaki wao, marutĩrĩirio kwa Ahĩndĩ o nginya Kushi; namo maarĩ mabũrũri igana rĩa mĩrongo ĩĩrĩ na mũgwanja magĩtarũo; o bũrũri ũkĩandĩkĩrũo o ta ũrĩa mwandĩkĩre waguo ũtariĩ, naruo o rũrĩrĩ o ta ũrĩa mwarĩrie waruo watariĩ, o nao Ayahudi makĩandĩkĩrũo o ta ũrĩa mwandĩkĩre wao watariĩ, o na ta ũrĩa mwarĩrie wao watariĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ũndũ ũyũ wekĩkire mweri mĩrongo ĩĩrĩ na ithatũ mweriinĩ wa ĩtatũ, mweri ũrĩa wĩtagwo Sivani. Moridekai agĩgĩĩta tũrani twa kwa mũthamaki agĩtwĩra ũrĩa tũkwandĩka marũainĩ kũrĩ Ayahudi, o na kũrĩ anene, abarũũthi, na atongoria a mabũrũri moothe igana na mĩrongo ĩĩrĩ na mũgwanja kuuma India nginya Ethiopia. Marũa macio maandĩkĩirwo andũ a bũrũri na rũthiomi rwao o hamwe na mwandĩkĩre wao, na o nao Ayahudi makĩandĩkĩrwo na rũthiomi rwao, na kũringana na mwandĩkĩre wao.