Exodus 11:5 — Compare Translations

Kikuyu (Kĩrĩkanĩro Gĩa Gĩkũyũ)

na marigithaathi moothe ma tũhĩĩ bũrũriinĩ ũyũ wa Misiri nĩmegũkua, kuuma irigithaathi rĩa mũthamaki rĩrĩa rĩngĩgaikarĩra gĩtĩ gĩake kĩa ũthamaki, nginya irigithaathi rĩa ndungata ya mũndũ wa nja ĩrĩa ĩthĩaga na gĩthĩi. O namo marigithaathi ma mahiũ moothe nĩmegũkua.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Mwana wothe wa kahĩĩ wa irigithathi gũkũ bũrũri wa Misiri nĩagaakua, kwambĩrĩria irigithathi rĩa Firaũni, rĩrĩa rĩikaragĩra gĩtĩ kĩa ũnene, nginya irigithathi rĩa ngombo ya mũirĩtu, ũrĩa ũrutaga wĩra gĩthĩi-inĩ, na marigithathi mothe ma ngʼombe o namo.

Kikuyu Bible (IBUKU RĨRĨA ITHERU RĨA NGAI)

namo marigithathi mothe ma bũrũri wa Misiri nĩmagakua, maambĩrĩirie o irigithathi rĩa Firauni, ũrĩa ũikaragĩra gĩtĩ gĩake kĩa ũnene, o nginya irigithathi rĩa ndungata ya mũndũ-wa-nja ũrĩa ũikaraga ihiga-inĩ rĩa gĩthĩi, na marigithathi mothe ma ũhiũ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

na marigithaathi moothe ma tũhĩĩ bũrũriinĩ ũyũ wa Misiri nĩmegũkua, kuuma irigithaathi rĩa mũthamaki rĩrĩa rĩngĩgaikarĩra gĩtĩ gĩake kĩa ũthamaki, nginya irigithaathi rĩa ndungata ya mũndũ wa nja ĩrĩa ĩthĩaga na gĩthĩi. O namo marigithaathi ma mahiũ moothe nĩmegũkua.