Exodus 27:16 — Compare Translations

Kikuyu (Kĩrĩkanĩro Gĩa Gĩkũyũ)

Ningĩ mũromoinĩ wa nja ĩyo hagĩe mbathiya ya ũraihu wa mita kenda ĩthondekeetwo na gataani ĩrĩa njega ĩtumĩĩtwo na guoya wa rangi wa mburuu, babũ, na mũtuune, ĩgacooka ĩkagemio. Nayo ĩkorwo ĩnyiitĩrĩirwo nĩ itugĩ inya irĩ njikarĩroinĩ ciacio inya.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“Naguo ũhoro wa itoonyero rĩa nja ĩyo, wĩkĩre gĩtambaya gĩa gũcuurio gĩkorwo kĩrĩ kĩa ũraihu wa mĩkono mĩrongo ĩĩrĩ, kĩa ndigi cia rangi wa bururu, na cia rangi wa ndathi, na cia rangi mũtune ta gakarakũ, na gatani ĩrĩa yogothetwo wega, wĩra wa mũgemia mũũgĩ, na gĩkorwo na itugĩ inya na itina inya.

Kikuyu Bible (IBUKU RĨRĨA ITHERU RĨA NGAI)

Ningĩ mũromo-inĩ wa nja ĩo hagĩe tama wa kweheheragio, nakuo kwarama kwaguo gũtuĩke mĩkono mĩrongo ĩĩrĩ, naguo ũtumwo nĩ mũndũ ũrĩa mũũhĩgĩrĩru wĩra ũcio, aũtume na ndigi cia rangi wa bururu, na wa zambarau, na wa gakarakũ, na gatani ya ndigi njeke ciogothetwo. Nacio itugĩ ciaguo ituĩke inya, na makinya ma cio mana.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Ningĩ itugĩ ciothe iria ikũriigicĩria nja ĩyo inyiitithanio na tũmĩtĩ twa betha, na tũhocio twacio tũthondekwo na betha, na njikarĩro ciacio ithondekwo na gĩcango.