Exodus 29:28 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Nacio icunjĩ icio irĩtuĩkaga cia Harũni na aariũ aake, irĩ rũgai rũrĩa maagĩrĩirwo nĩkũheagwo nĩ ciana cia Isiraeli hingo ciothe. Icunjĩ icio irĩkoragwo irĩ kĩheeo gĩa athĩnjĩri Ngai kuuma magongoonainĩ maao ma thaayũ. Irĩkoragwo irutĩirwo Mwathani.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Indo icio ituĩke rwĩga rwa kũheagwo Harũni na ariũ ake nĩ andũ a Isiraeli hĩndĩ ciothe. Nĩrĩo iruta rĩrĩa andũ a Isiraeli marĩrutagĩra Jehova kuuma maruta-inĩ ma ũiguano.
Kikuyu Bible (IBUKU RĨRĨA ITHERU RĨA NGAI)
nacio icunjĩ icio irĩtuĩkaga cia Haruni, o na ariũ ake, cia rũgai rũrĩa maagĩrĩirũo nĩ kũheagwo nĩ ciana cia Isiraeli tene na tene; nĩ ũndũ icunjĩ icio nĩirutĩirũo Jehova na ũndũ wa kũiyũkio na igũrũ; nacio icunjĩ icio ituĩke nĩcio ciana cia Isiraeli irĩrutagĩra Jehova na ũndũ wa kũiyũkio na igũrũ ciumĩte magongona-inĩ ma cio ma ũiguano, o marĩa irutagĩra Jehova na ũndũ wa kũiyũkio na igũrũ.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Nacio icunjĩ icio irĩtuĩkaga cia Harũni na aariũ aake, irĩ rũgai rũrĩa maagĩrĩirwo nĩkũheagwo nĩ ciana cia Isiraeli hingo ciothe. Icunjĩ icio irĩkoragwo irĩ kĩheeo gĩa athĩnjĩri Ngai kuuma magongoonainĩ maao ma thaayũ. Irĩkoragwo irutĩirwo Mwathani.