Exodus 38:18 — Compare Translations

Kikuyu (Kĩrĩkanĩro Gĩa Gĩkũyũ)

Nayo mbathiya ya mũromoinĩ wa nja ĩyo yathondekeetwo na gataani ĩrĩa njega ĩtumĩĩtwo na ndigi cia guoya wa rangi wa mburuu, babũ, na mũtuune na ĩkagemio na magemio. Nayo mbathiya ĩyo yarĩ na ũraihu wa mita kenda, na kĩrũũgamo mita igĩrĩ o ta mbathiya cia nja ĩyo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Itambaya cia gũcuurio cia itoonyero rĩa nja ĩyo ciarĩ cia ndigi cia rangi wa bururu, na cia rangi wa ndathi, na cia rangi mũtune ta gakarakũ, na gatani ĩrĩa njogothe wega; wĩra wa mũgemia mũũgĩ. Yarĩ ya mĩkono mĩrongo ĩĩrĩ kũraiha, na mĩkono ĩtano kũraiha na igũrũ, o ta ũrĩa itambaya cia gũcuurio cia nja ĩyo ciatariĩ.

Kikuyu Bible (IBUKU RĨRĨA ITHERU RĨA NGAI)

O naguo tama wa kweheheragio wa mũromo-inĩ wa nja ĩo ya hema watumĩtwo na ndigi cia rangi wa bururu, na wa zambarau, na wa gakarakũ, hamwe na gatani ya ndigi njeke ciogothetwo, ũgatumwo nĩ mũndũ mũũhĩgĩrĩru ũtumi ũcio; nakuo kwarama kwaguo kwa mũkĩgiĩ kwarĩ mĩkono mĩrongo ĩĩrĩ; o nakuo kũraiha na igũrũ kwaguo, naguo ũguo nĩ ta kuuga wariĩ wa na igũrũ, kwarĩ mĩkono ĩtano, o ta ũrĩa ciandarũa ciothe cia mĩena-inĩ ya nja ĩo ciatariĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Yanyiitĩrĩirwo nĩ itugĩ inya irĩ njikarĩroinĩ ciacio inya cia gĩcango. Tũhocio twa itugĩ icio, mĩthiainĩ yacio, hamwe na tũmĩtĩ twa gũcinyiitithania, guothe kwahumbĩrĩĩtwo na betha.