Ezekiel 31:15 — Compare Translations

Kikuyu (Kĩrĩkanĩro Gĩa Gĩkũyũ)

MWATHANI Mwene Hinya Wothe ekuuga atĩrĩ, “Rĩrĩa mũtĩ ũcio ũrĩthiĩ kũrĩa arĩa akuũ mathiaga, nĩndĩrĩtũma maaĩ ma kũu kũriku maũhumbĩre makĩũcakaĩra. Ndĩrĩhingĩrĩria njũũĩ ciakuo, na ndirĩreka maaĩ maingĩ matherere. Nĩndĩrĩtũma irĩma cia Lebanoni ihumbĩrwo nĩ nduma, na ndũme mĩtĩ ya mũtitũ ĩhoohe nĩ ũndũ mũtĩ ũcio nĩũkuĩte.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

“ ‘Mwathani Jehova ekuuga ũũ: Mũthenya ũrĩa mũtĩ ũcio waikũrũkirio mbĩrĩra-inĩ, nĩndahingire ithima iria ciarĩ ndiku nĩ ũndũ wa kũũcakaĩra; nĩndarũgamirie tũrũũĩ twakuo, namo maaĩ maingĩ makuo makĩhingĩrĩrio. Nĩ ũndũ waguo ngĩhumba Lebanoni nduma, nayo mĩtĩ yothe ya gĩthaka ĩkĩhooha.

Kikuyu Bible (IBUKU RĨRĨA ITHERU RĨA NGAI)

Mwathani Jehova oigĩte atĩrĩ, Mũthenya ũrĩa waikũrũkire ũgĩkinya kwa ngoma, nĩndatũmire kũgĩe kĩgirĩko, ngĩhumba maĩ macio me mũhuro wa thĩ nĩ ũndũ waguo, na ngĩrigĩrĩria njũĩ ciakuo, namo maĩ macio maiyũraga kuo makĩrigĩrĩrĩka; na ngĩtũma Lebanoni guothe gũthimbe nĩ ũndũ waguo, o nayo mĩtĩ yothe ya gĩthaka ĩkĩhoha nĩ ũndũ waguo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

MWATHANI Mwene Hinya Wothe ekuuga atĩrĩ, “Rĩrĩa mũtĩ ũcio ũrĩthiĩ kũrĩa arĩa akuũ mathiaga, nĩndĩrĩtũma maaĩ ma kũu kũriku maũhumbĩre makĩũcakaĩra. Ndĩrĩhingĩrĩria njũũĩ ciakuo, na ndirĩreka maaĩ maingĩ matherere. Nĩndĩrĩtũma irĩma cia Lebanoni ihumbĩrwo nĩ nduma, na ndũme mĩtĩ ya mũtitũ ĩhoohe nĩ ũndũ mũtĩ ũcio nĩũkuĩte.