Ezekiel 32:24 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
“Elamu arĩ gũũkũ athiũrũrũkĩirio nĩ mbĩĩrĩra cia thigari ciake. Oothe mooragĩirwo mbaarainĩ na maikũrũkire kwa arĩa akũu matarĩ aruu. Acio-rĩ, nĩ o maatũũraga maigĩĩte bũrũri wa arĩa marĩ muoyo na guoya, na rĩu makomeete marĩ akuũ maconokeete!
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
“Elamu arĩ o kũu, na kĩrĩndĩ gĩake gĩothe kĩrigiicĩirie mbĩrĩra yake. Othe nĩmoragĩtwo, makooragwo na rũhiũ rwa njora. Arĩa othe maiyũrĩtie bũrũri wa arĩa marĩ muoyo guoya maaharũrũkirio thĩ kũrĩa kũriku matarĩ aruu. Maikaraga maconokete marĩ hamwe na arĩa maharũrũkĩtio irima.
Kikuyu Bible (IBUKU RĨRĨA ITHERU RĨA NGAI)
Nake Mũelamu nĩkuo arĩ, nakĩo kĩrĩndĩ gĩake gĩothe kĩrigicĩirie mbĩrĩra yake; andũ akĩo othe nĩ orage, na makagũa maninĩtwo na rũhiũ rũa njora, makaharũka matarĩ aruu magakinya o thĩ kũndũ kũrĩa kũriku mũno; nĩo maaguoyohanagia me bũrũri wa arĩa marĩ muoyo, na rĩu maconorithanĩirio hamwe na arĩa maikũrũkaga maharũke irima.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
“Elamu arĩ gũũkũ athiũrũrũkĩirio nĩ mbĩĩrĩra cia thigari ciake. Oothe mooragĩirwo mbaarainĩ na maikũrũkire kwa arĩa akũu matarĩ aruu. Acio-rĩ, nĩ o maatũũraga maigĩĩte bũrũri wa arĩa marĩ muoyo na guoya, na rĩu makomeete marĩ akuũ maconokeete!