Ezekiel 33:12 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
“ Mũrũ wa mũndũ, wee ĩra andũ aanyu atĩrĩ, ‘Mũndũ mũthingu angĩĩhia, ũthingu wake ndũngĩmũhonokia. Mũndũ mwaganu angĩtigana na waganu wake, ndangĩherithio. Ningĩ mũndũ mũthingu angĩĩhia, muoyo wake ndũngĩhonokio.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
“Nĩ ũndũ ũcio, wee mũrũ wa mũndũ, ĩra andũ anyu atĩrĩ, ‘Ũthingu wa mũndũ ũrĩa mũthingu ndũkamũhonokia rĩrĩa akaaga gwathĩka, naguo waganu wa mũndũ ũrĩa mwaganu-rĩ, ndũgatũma agwe rĩrĩa akaagarũrũka atigane naguo. Mũndũ ũrĩa mũthingu angĩĩhia-rĩ, ndagetĩkĩrio atũũre muoyo nĩ ũndũ wa ũthingu ũrĩa ararĩ naguo.’
Kikuyu Bible (IBUKU RĨRĨA ITHERU RĨA NGAI)
Wee nawe, wee mũrũ wa mũndũ, ĩra ciana cia andũ anyu atĩrĩ, Ũthingu wa mũndũ ũrĩa mũthingu ndũkamũhonokia mũthenya ũrĩa akaagarara watho; naguo waganu wa mũndũ ũrĩa mwaganu-rĩ, ndũkamũhĩngithia mũthenya ũrĩa akagarũrũka atige waganu ũcio wake; o nake mũndũ ũrĩa mũthingu ndakagunwo nĩ ũthingu ũcio wake ũtũme atũũre muoyo mũthenya ũrĩa angĩĩhia.
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
“ Mũrũ wa mũndũ, wee ĩra andũ aanyu atĩrĩ, ‘Mũndũ mũthingu angĩĩhia, ũthingu wake ndũngĩmũhonokia. Mũndũ mwaganu angĩtigana na waganu wake, ndangĩherithio. Ningĩ mũndũ mũthingu angĩĩhia, muoyo wake ndũngĩhonokio.