Ezekiel 38:4 — Compare Translations
4 translations compared side by side
Kikuyu (Kĩrĩkanĩro Gĩa Gĩkũyũ)
Ngũkũnyiita ngũthiũrũrũkie, ngwĩkĩre ndwano thĩainĩ ciaku ngũrutũrũre we mwene na thigari ciaku ciothe. Mbũtũ yaku ya mbarathi na thigari ciĩgemeetie na matharaita maacio nĩ nene mũno. Mũũthigari o mũũthigari akuuĩĩte ngo na akanyiita rũhiũ rwa njora na guoko.
Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)
Nĩngakũhũgũra, ngwĩkĩre ndwano thĩa-inĩ ciaku, na ngũrute na nja hamwe na mbũtũ ciaku ciothe cia ita: nĩcio mbarathi ciaku, na andũ aku arĩa mathiiaga mahaicĩte mbarathi meeohete indo cia mbaara, na kĩrĩndĩ kĩnene kĩrĩ na ngo iria nene na iria nini, othe makĩhiũragia hiũ ciao cia njora.
Kikuyu Bible (IBUKU RĨRĨA ITHERU RĨA NGAI)
na nĩ kũhũgũra ngakũhũgũrania, njoke ngũnyite thĩa na ndwano, nguumagarie uume bũrũri waku, wĩ na mbũtũ ciaku ciothe cia ita, na mbarathi ciaku, o na andũ aku arĩa mathiaga macihaicĩte, nao othe makorũo meohete indo ciao ciothe cia mbaara, marĩ mbũtũ nene ĩrĩ na ndarĩ o na ngo, nao othe makorũo magwete hiũ cia njora,
Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)
Ngũkũnyiita ngũthiũrũrũkie, ngwĩkĩre ndwano thĩainĩ ciaku ngũrutũrũre we mwene na thigari ciaku ciothe. Mbũtũ yaku ya mbarathi na thigari ciĩgemeetie na matharaita maacio nĩ nene mũno. Mũũthigari o mũũthigari akuuĩĩte ngo na akanyiita rũhiũ rwa njora na guoko.