Ezekiel 40:44 — Compare Translations

Kikuyu (Kĩrĩkanĩro Gĩa Gĩkũyũ)

Mũndũ ũcio agĩcooka akĩndwara o kinya kĩhaaro kĩa na thĩiniĩ. Na ho hau haarĩ na tũnyũmba twĩrĩ. Kanyũmba kamwe kaahakaine na kĩhingo kĩa mwena wa na rũgongo na kaaroreete mwena wa na kĩanda. Karĩa kangĩ kaahakaine na kĩhingo kĩa mwena wa irathĩro na kaaroreete mwena wa rũgongo.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Hau nja ya kĩhingo gĩa thĩinĩ, kũu nja-inĩ ya na thĩinĩ, nĩ kwarĩ na tũnyũmba twĩrĩ, kamwe mwena wa kĩhingo gĩa gathigathini kerekeire mwena wa gũthini, na kangĩ mwena wa kĩhingo gĩa gũthini kerekeire mwena wa gathigathini.

Kikuyu Bible (IBUKU RĨRĨA ITHERU RĨA NGAI)

Naho hau nja ya kĩhingo-inĩ kĩa na thĩinĩ nĩho haarĩ tũnyũmba twa aini arĩa maainaga kũu nja-inĩ ĩo ya na thĩinĩ, o ĩrĩa yaringaine na kĩhingo kĩa mwena wa gathigathini, natuo tũnyũmba tũu twaroretie mĩromo yatuo na gũthini; na kwarĩ kanyũmba kamwe kaaringaine na kĩhingo kĩa mwena wa irathĩro kaaroretie mũromo wako gathigathini.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Nako karĩa kaaroreete na mwena wa na rũgongo kaarĩ ga kũhũthĩrwo nĩ athĩnjĩri Ngai arĩa maatungataga kĩgongoonainĩ. Athĩnjĩri Ngai acio maakoragwo moimĩĩte njiarwainĩ cia Zadoku, na no o oiki a mũhĩrĩga wa Lawi meetĩkĩrĩĩtio gũthiĩ gũtungataga mbere ya MWATHANI.