Ezekiel 40:5 — Compare Translations

Kikuyu (Kĩrĩkanĩro Gĩa Gĩkũyũ)

Kĩrĩa ndoonire nĩ Hekaarũ, na ya thiũrũrũkĩirio nĩ rũthingo. Mũndũ ũcio agĩkĩoya ruura rwake rũrĩa rwarĩ rwa ũraihu wa mita ithatũ, agĩthima rũthingo. Rũthingo rũu rwarĩ rwa kĩrũũgamo kĩa mita ithatũ na ũtungu wa mita ithatũ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Ningĩ nĩndonire rũthingo rwathiũrũrũkĩirie hekarũ mĩena yothe. Rũthanju rwa gũthima rũrĩa rwarĩ guoko-inĩ kwa mũndũ ũcio rwarĩ na ũraihu wa mĩkono ĩtandatũ. Nake nĩathimire rũthingo; wariĩ waruo warĩ wa mĩkono ĩtandatũ, na mĩkono ĩtandatũ kũraiha na igũrũ.

Kikuyu Bible (IBUKU RĨRĨA ITHERU RĨA NGAI)

Na atĩrĩrĩ, kwarĩ rũirigo rũakĩtwo na kũu nja ya nyũmba ĩo rũamĩrigicĩirie mbarĩ ciothe, nake mũndũ ũcio aanyitĩte mũrangi wa gũthima na guoko gwake wa mĩkono ĩtandatũ, na mũkono o mũkono waguo ũkaraiharaiha iraata rĩmwe gũkĩra mĩkono ya ndũire; nake agĩgĩthima wariĩ wa rũthingo rũu naguo, ũgĩgĩtuĩka nĩ mũrangi ũmwe; o nakuo kũraiha na igũrũ agĩguthima na gũgĩtuĩka nĩ mũrangi ũmwe o naguo.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Kĩrĩa ndoonire nĩ Hekaarũ, na ya thiũrũrũkĩirio nĩ rũthingo. Mũndũ ũcio agĩkĩoya ruura rwake rũrĩa rwarĩ rwa ũraihu wa mita ithatũ, agĩthima rũthingo. Rũthingo rũu rwarĩ rwa kĩrũũgamo kĩa mita ithatũ na ũtungu wa mita ithatũ.