Ezekiel 41:7 — Compare Translations

Kikuyu (Kĩrĩkanĩro Gĩa Gĩkũyũ)

Thingo cia Hekaarũ kuuma mwena wa na nja cionekaga irĩ cia ũtungu ũiganaine kuuma thĩ nginya igũrũ. Rũthingo rwa na nja rwa Hekaarũ, mwena wa na nja wa tũnyũmba nĩrwakĩrĩirwo ngathĩ igĩrĩ njariĩ nĩ geetha andũ mahotage kwambata kuuma ngoroba ya thĩ magathiĩ ya keerĩ o na ya gatatũ.

Kikuyu 2013 (Kiugo Gĩtheru Kĩa Ngai, Kĩrĩkanĩro Kĩrĩa Gĩkũrũ Na Kĩrĩa Kĩerũ)

Tũnyũmba tũu twathiũrũrũkĩirie hekarũ twakĩtwo tũkĩararamaga o ũrĩa ngoroba yathiiaga na igũrũ. Mwako wa gũthiũrũrũkĩria hekarũ ĩyo waakĩtwo wambatĩtio na matĩĩna, nĩ ũndũ ũcio, tũnyũmba tũu tũkaaraarama o ũrĩa mũndũ aambataga. Nayo ngathĩ yambatĩte kuuma ngoroba ĩrĩa yarĩ thĩ mũno nginya ĩrĩa ĩrĩ igũrũ biũ ĩgereire ngoroba ya gatagatĩ.

Kikuyu Bible (IBUKU RĨRĨA ITHERU RĨA NGAI)

Natuo tũnyũmba tũu twa mĩena tũgĩthiĩ tũkĩaraaramaga mbarĩ ya na igũrũ makĩria o makĩria, tondũ tũnyũmba tũu twarigicũkĩte nyũmba ĩo na ndwere ciothe, twakĩtwo tũgĩthiĩ na igũrũ o na igũrũ kũmĩthiũrũrũkĩria; tondũ ũcio, wariĩ wa nyũmba ĩo na igũrũ ũgĩkĩrĩrĩria kwarama; na ningĩ kwaambatagwo kuumĩtwo kanyũmba ka mũhuro o nginya kanyũmba kau ka igũrũ mũndũ agereire kanyũmba ka mũhari wa kerĩ.

Kikuyu Bible 2008 (Kenya) - IBUKU RĨA ŨHORO ŨRĨA MWEGA (GIKCL)

Thingo cia Hekaarũ kuuma mwena wa na nja cionekaga irĩ cia ũtungu ũiganaine kuuma thĩ nginya igũrũ. Rũthingo rwa na nja rwa Hekaarũ, mwena wa na nja wa tũnyũmba nĩrwakĩrĩirwo ngathĩ igĩrĩ njariĩ nĩ geetha andũ mahotage kwambata kuuma ngoroba ya thĩ magathiĩ ya keerĩ o na ya gatatũ.